Aksident trafiku në Podujevë, një person i lënduar

Një aksident trafiku me lëndime ka ndodhur sot rreth orës 10:20 në rrugën “Ilir Konushevci” në Podujevë, shkruan Gazeta Sinjali.

Rastin për Sinjalin e ka konfirmuar zëdhënësi i Policisë në rajonin e Prishtinës, Agron Borovci.

“Sot rreth orës 10:20, Policia ka pranuar informatën se në rrugën “Ilir Konushevci” në Podujevë, ka ndodhur një aksident trafiku rrugor me lëndime. Në këtë aksident kanë qenë të përfshira dy automjete, kurse si pasojë është lënduar një person, i cili ka pranuar tretmanin e nevojshëm mjekësor, tha ai.

Tutje, ai shtoi se Njësia e Trafikut Rajonal ka dalë në vendin e ngjarjes dhe ka nisur hetimet për të sqaruar rrethanat dhe shkaqet që çuan në aksidentin.