Aksident mes tri veturave dhe një kamioni në rrugën Prizren- Dragash, ka të lënduar

Tri vetura dhe një kamion janë përfshirë në një aksident trafiku sot në rrugën Prizren- Dragash.

Zëdhënësi i Policisë për rajonin e Prizrenit, Shaqir Bytyqi ka thënë për Express se ka persona të lënduar.

“Sot, më 25.08.2025, rreth orës 15:30, në rrugën Prizren–Dragash ka ndodhur një aksident trafiku ku janë përfshirë një kamion dhe tre vetura. Si pasojë e aksidentit, raportohet për persona të lënduar, si dhe për dëme materiale. Në vendngjarje kanë dalë njësitet e Emergjencës dhe të Policisë, të cilat kanë menaxhuar me rastin dhe janë kujdesur për normalizimin e qarkullimit rrugor. Hetimet lidhur me shkaqet e aksidentit janë në vazhdim.”