A do t’i përgjigjet LDK-ja ftesës së Presidentes për takim? Tregon deputeti i kësaj partie

Presidentja Vjosa Osmani pritet të ftojë partitë politike në konsultime pas dështimit të formimit të qeverisë së re të dielën.

Deputeti i Lidhjes Demokratike të Kosovës, Krenar Xhaferi, ka bërë të ditur në emisionin “Edicioni Special” në Klan Kosova se LDK-ja do t’i përgjigjet pozitivisht ftesës së Presidentes.

“Po, unë besoj që ne duhet të shkojmë. Ideja është që patjetër institucionet duhet të respektohen. Por, e kujtoj se vendi po shkon drejt zgjedhjeve të reja dhe nuk ka asnjë logjikë të krijimit të ndonjë blloku të ri. Marrja e përgjegjësisë për formimin e qeverisë së re do të ishte logjike nga LDK-ja, sepse do ta zgjidhte ngërçin dhe do t’i shmangte zgjedhjet e reja”,  ka deklaruar Xhaferi.