A do të ketë takim me Vuçiqin në Samitin e Tiranës, përgjigjet Osmani

Presidentja e Kosovës, Vjosa Osmani, ka konfirmuar se gjatë Samitit të Komunitetit Politik Evropian që po mbahet në Tiranë, nuk do të zhvillojë ndonjë takim me presidentin e Serbisë, Aleksandar Vuçiq

Deklaratën Osmani e dha para mediave në Tiranë, ku theksoi se nuk e ka ftuar Vuçiqin në tryezën që ajo do të bashkëkryesojë me kryeministrin kroat, Andrej Plenkoviq, me temën “Një Evropë e hapur me kufij të sigurt”.

Në këtë samit po marrin pjesë liderë dhe përfaqësues nga rreth 50 shtete evropiane dhe të Ballkanit Perëndimor, me fokus në sigurinë, stabilitetin dhe bashkëpunimin në kontinent.