LDK-ja sot dorëzon kallëzim penal ndaj Kurtit dhe ministrave që u bënë deputetë

Lidhja Demokratike e Kosovës ka njoftuar se sot do të dorëzojë kallëzim penal ndaj kryeministrit në detyrë, Albin Kurti, si dhe ndaj disa ministrave të Qeverisë së tij, raporton Gazeta Sinjali.

Sipas komunikatës zyrtare, kallëzimi penal ka të bëjë me veprat penale “keqpërdorim i detyrës zyrtare” dhe “tejkalim i autorizimeve”, që pretendohet se janë kryer nga Kurti dhe ministrat në detyrë, të cilët ndërkohë janë rizgjedhur deputetë në Kuvendin e Kosovës.

“Sot (e enjte), në orën 13:15, Lidhja Demokratike e Kosovës dorëzon kallëzim penal për keqpërdorim të detyrës zyrtare dhe tejkalim të autorizimeve ndaj ish-Kryeministrit Kurti dhe ish ministrave, të rizgjedhur deputetë. Vendi: Prokuroria Speciale, Prishtinë”, thuhet në njoftimin e LDK-së.