Del fotoja e djalit të ish-gjyqtarit të krimeve të rënda që u ekzekutua në atentatin mafioz

Mësohet se viktima është djali i ish-gjyqtarit për krimet e rënda, Fran Prendi i shkarkuar nga Vettingu.

Ai u qëllua me armë me silenciator, ndërsa në spital është dërguar nga miqtë e tij.

Pas ngjarjes është gjetur një makinë e djegur në zonën e Farkës, teksa mendohet se u përket autorëve.

Klajd Prendi në muajin maj 2023 u shpall në kërkim policor për ngjarjen e goditjes me armë në ajër në qytetin e Pukës.

Njoftimi i policisë:

Tiranë/Informancion paraprak

Më datë 19.11.2024, rreth orës 00:36, në rrugën “Xhanfize Keko” , dyshohet se është qëlluar me armë zjarri shtetasi K. P., rreth 30 vjeç, i cili është transportuar në spital për ndihmë mjekësore por si pasojë e plagëve të marra ka ndërruar jetë.

Rreth orës 01:05, në afërsi të Liqenit të Farkës është konstatuar duke u djegur një mjet tip “Audi”.

Një grup i posaçëm hetimor, në drejtimin e Prokurorisë, po vijon punën për zbardhjen e plotë rrethanave të ngjarjes, dokumentimin e plotë ligjor të saj, identifikimin dhe kapjen e autorit/ëve të dyshuar.