Çështja e presidentit – Kurti u dërgon letra për takim kryetarëve të PDK’së, LDK’së e AAK’së

Kryeministri në detyrë, Albin Kurti, u ka dërguar ftesë për takim liderëve të partive të tjera, më saktësisht, kryetarëve të Partisë Demokratike të Kosovës, Lidhjes Demokratike të Kosovës, dhe, Aleancës për Ardhmërinë e Kosovës.

Kështu ka bërë të ditur për Gazetën Express, zëdhënësi i Qeverisë, Arlind Manxhuka.

“Po, sot në mëngjes, kryeministri Kurti u ka dërguar letër për takim tre kryetarëve të PDK-së, LDK-së dhe AAK-së”, ka thënë Manxhuka.

Ndryshe, ftesa e Kurtit për liderët politikë vije pas certifikimit të rezultateve të zgjedhjeve të 7 qershorit.