Elmire Nikci Rexha: Folni n’shpi e jo “n’mahallë”! E “gërditshme” me qitë vner’ kundër shpisë tane

Me të vërtetë e “gërditshme” me dalë e me folë e me qitë vner’ kundër shpisë tane.

E ku?

“N’mahallë”!

Për besë, tmerruese.

Nuk e di kur jeni të pakënaqur me shpinë tuaj të parë, a dilni kështu “n’mahallë” me i nxjerr krejt gjanat, apo uleni mrena shpisë edhe i rregulloni ato si njerëz?

Tjetra;

A e dini ku janë zyret e LDK-së, apo i keni harru?

Qaty janë ende, te Qafa.

Shkoni more aty, jo n’rrugë e n’statusa. Folni drejt çka ju djeg, çka ju pengon, çka kërkoni me ndryshu. Kallxoni krejt çka keni – të mira e të këqija.

Po jo.

Ma lehtë është me shkru statuse, me fol “n’mahallë”, me mbledh like, e me i shpërnda do medie që mezi presin me goditë LDK-në.

Në fund, asgjë s’jeni tu bo.

Veç jeni tu e kallxu vogëlsinë që e keni.

Se kush s’ka guxim me fol aty ku duhet, zakonisht bëhet ma i zëshmi aty ku ka jehonë.

Pesha e njeriut matet kur flet aty ku duhet, jo kur ankohet “n’mahallë”.

Partia nuk rritet e as ringritet me fjalë e statuse, por me punë, organizim dhe angazhim real.

Jo me zhurmë.