Deda pas zgjedhjeve: Balancohet skena politike, espresso 70% është veç për qytetarët

Ilir Deda, ka reaguar lidhur me zgjedhjet e sotme, duke thënë se, në bazë të rezultateve preliminare, balancohet skena politike, dhe se, partitë duhet të fokusohen në interesin e Kosovës dhe qytetarëve.

Deda, ka shtuar edhe se, dalja më e ulët i goditi partitë e mëdha, ndërsa, Aleanca është e vetmja parti qe rritet me numër të deputetëve krahasuar me zgjedhjet e shkurtit 2025 dhe dhjetorit 2025.

Postimi:

Çfarë Kosove! Në bazë të rezultateve preliminare:

1. Balancohet skena politike – espresso 70% është veç për qytetarët, jo për pushtet.

2. Të gjitha partitë duhet të fokusohen në interesin e Kosovës dhe qytetarëve dhe ti zgjidhin problemet politike me kompromis e të fokusohen në qeverisje shumë më të mirë se sa deri tash.

3. Dalja më e ulët i goditi partitë e mëdha. Numri i njerëzve që i ka votuar partitë është flakaresh për lidershipet e partive – LVV ka gati 200,000 votues më pak, PDK gati 50,000, ndërsa LDK ka më pak votues tash se sa në dhjetor.

4. Aleanca është e vetmja parti qe rritet me numër të deputetëve krahasuar me zgjedhjet e shkurtit 2025 dhe dhjetorit 2025.

5. Polarizimit duhet t’i vijë fundi