“Presion ndaj votuesve” – vihen në pranga pesë serbë në Graçanicë

Pesë persona janë ndaluar nga autoritetet kosovare nën dyshimin për përfshirje në veprën penale “cenimi i përcaktimit të lirë të votuesve”.

Sipas njoftimit të Prokurorisë Themelore në Prishtinë, në bashkëpunim me Policinë e Kosovës, hetimet janë iniciuar pas raportimeve për dyshime mbi kërcënime ndaj votuesve në këtë komunë.

Me vendim të Prokurorit të Shtetit, të arrestuarit dyshohen për veprën penale “Cenimi i përcaktimit të lirë të votuesve”, ndërsa ndaj tyre janë siguruar prova dhe deklarata që lidhen me rastin.

Autoritetet kanë theksuar se po ndërmerren të gjitha veprimet ligjore për garantimin e integritetit të procesit zgjedhor dhe mbrojtjen e të drejtës së votës së lirë në Kosovë.