Fillon rigjykimi në mungesë ndaj të akuzuarit për krime lufte

Në Gjykatën Themelore në Prishtinë ka filluar sot rigjykimi në mungesë ndaj të akuzuarit Çedomir Aksiq, i cili po përballet me akuza për krime lufte.

Rasti është kthyer në rigjykim nga Gjykata e Apelit, me kërkesën për plotësimin e kushteve ligjore për zhvillimin e gjykimit në mungesë.

Sipas zhvillimeve në seancë, është bërë e ditur se adresa e të akuzuarit është verifikuar përmes dëshmitarëve dhe autoriteteve policore, të cilat kanë konfirmuar se ai nuk banon në Republikën e Kosovës.

Seanca e sotme është ndërprerë dhe do të vazhdojë në një datë tjetër me vendim të trupit gjykues.