Kryetari i Prishtinës Shpend Ahmeti, i ka reaguar ministrit të Brendshëm Xhelal Sveçlës, i cili po vazhdon akuzat ndaj prokurorisë dhe gjyqtarëve në lidhje me rastet penale të Dardan Krivaqës, i dyshuari kryesor për vrasjen e 18 vjeçares në Ferizaj, ngjarje kjo që tronditi tërë vendin.
Ahmeti tha se ministri Sveçla duke i reaguar prokurorisë dhe gjykatës në Ferizaj ku iu thotë se do iu dërgoj listën e rasteve penale të tij nëse ata nuk e dinë, nuk tregon gatishmërinë nga kjo ministri, gjë për të cilën edhe janë votuar nga qytetarët.
Ai shtoi se duhet të identifikohen se kush ka 136 raste penale dhe mos të sorollatet i lirë në vend, dhe bëri thirrje të identifikohen ata që kanosin e rrahin gratë e tyre.
‘’ Ministri Sveçla duke i raguar prokurorisë dhe gjykatës në Ferizaj është çuditur se si ata nuk e dijnë që Dardan Krivaqa i ka 136 raste në Polici dhe ju ka ofruar listën e tyre.
Një pjesë edhe pajtohem me Xhelalin në atë çka ka thënë, se me qenë të kënaqur qytetarët me gjykata nuk do të ju votonin.
Xhelal – s’ke nevojë me dërgu listën e Krivaçës. Ai është në burg dhe shpejtësia e kapjes nga Policia është për tu përshëndetur’’, shkroi Ahmeti.
Ai tutje shtoi se familjes së Marigonës fare pak ju intereson numri I veprave të Krivaqës, por ju intereson ajo që i ka ndodhur Marigonës e të mos i ndodhë askujt në vend.
Reagimi i plotë:
Ministri Sveçla duke i raguar prokurorisë dhe gjykatës në Ferizaj është çuditur se si ata nuk e dijnë që Dardan Krivaqa i ka 136 raste në Polici dhe ju ka ofruar listën e tyre.Një pjesë edhe pajtohem me Xhelalin në atë çka ka thënë, se me qenë të kënaqur qytetarët me gjykata nuk do të ju votonin.
Xhelal – s’ke nevojë me dërgu listën e Krivaçës. Ai është në burg dhe shpejtësia e kapjes nga Policia është për tu përshëndetur.
Identifikoni kush tjetër në Kosovë ka 136 vepra dhe sorollatet i lirë. Identifikoni burrat që kanë raste të shumta të kanosjes dhe rrahjes së grave të tyre . Ndalni ato që ende skanë ndodhur, mos u arsyetoni për ato që tashmë kanë ndodhur.
Familjes së Marigonës fare pak ju intereson tashmë numri i veprave të Krivaqes. Por të gjithë neve na intereson që ajo që i ka ndodh Marigonës mos ti ndodh askujt në Kosovë.