CNN: SHBA tha se sot do t’i bllokojë anijet nga portet iraniane sot, çmimet e naftës po rriten

SHBA ka thënë se do t’i bllokojë të gjitha anijet që përpiqen të hyjnë ose të dalin nga portet iraniane në Ngushticën e Hormuzit nga ora 10:00 ET sot (5:30 pasdite në Teheran), pasi bisedimet e paqes të fundjavës midis Teheranit dhe Washingtonit përfunduan pa marrëveshje për t’i dhënë fund luftës mes tyre.

CNN shkruan se çfarë tjetër duhet të dini për zhvillimet e fundit të konfliktit:

Trupat e Gardës Revolucionare Islamike të Iranit (IRGC) paralajmëruan se “asnjë port në Gjirin Persik dhe Detin e Omanit nuk do të jetë i sigurt” nëse portet e tyre kërcënohen, raportuan sot mediat shtetërore iraniane.

Çmimet e naftës po rriten dhe tregjet e aksioneve po lëkunden sot, pas njoftimit të ushtrisë amerikane se do të bllokojë Ngushticën e Hormuzit.

Presidenti i SHBA-së Donald Trump kritikoi ashpër Papa Leo XIV mbrëmë, duke dënuar qëndrimin e tij për luftën në Iran dhe duke thënë se ai është “i tmerrshëm për politikën e jashtme”.

Papa u përgjigj sot, duke thënë se nuk ka “asnjë frikë nga administrata Trump” dhe se do të vazhdojë të shprehet pas komenteve të presidentit amerikan.

Ndërkohë, sulmet vdekjeprurëse izraelite në Libanin jugor kanë vazhduar, sipas mediave libaneze.