Kurti në Davos: Është me rëndësi që askujt në kabinet të ministrave mos t’i shkojë mendja asnjë trohë për korrupsion

Kryeministri në detyrë, Albin Kurti, tha se brenda kabinetit të tij qeveritar ka “rezistencë” për të mos “u kthyer” në korrupsion, për të cilin u ankua se e ka trashëguar nga qeverisjet e kaluara.

Në një bisedë me ish-ministrin britanik Rory Stewart në Shtëpinë e Kosovës në Davos, Kurti i tha atij se e ka të rëndësishme që ministrave të tij të mos i shkojë mendja në këtë drejtim.

“Ne e kemi trashëguar një situatë ku korrupsioni ishte endemik. Ka rezistencë e qëndrueshmëri të fortë të njerëzve që të mos kthehen kurrë më aty. Pra, shpresa jonë janë njerëzit, që njerëzit do ta njoftojnë sistemin dhe publikun për korrupsionin që e shohin. Kjo është e para. E dyta është se ne duhet të udhëheqim me shembuj. Është shumë e rëndësishme që askush, absolutisht askush, brenda kabinetit ministror, të mos ketë imagjinatën më të vogël për t’u përfshirë në korrupsion.

Ai tha se për këtë çështje Kosova është një vend i monitoruar nga komuniteti ndërkombëtar, por edhe “nga vetë sistemi ynë”.

“Unë shpresoj që llogaridhënia do të zë vend dhe sinjalizuesit të na bëjnë të shurdhër, ndërsa fishkëllojnë nëse ndodh diçka e ngjashme me korrupsionin”./