Lëvizja Vetëvendosje po vazhdon punësimet familjare. Institucioni i radhës ku janë pikasur punësime të tilla është Telekomi i Kosovës.
Gazeta nga burime të saj brenda ‘Telekomit’ merr vesh se Ud. e detyrës së Drejtorit të Burimeve Njerzore është emëruar një përkrahëse dhe simpatizante e LVV-së.
Ajo quhet Leonora Sylaj dhe me herët ka mbajtur një pozitë tjetër në Telekom.Me një kërkim të thjeshtë në rrjetin e saj social facebook, Syla, ka shpërndarë fotografi me sloganin e LVV-së “Krejt dhe Drejt”.
Punësime të tilla nepotike nga VV-ja, janë denoncuar edhe në institucione të tjera, pas ardhjes në pushtet të këtij subjekti politik. Kryeministri Kurti gjatë fushatës elektorale kishte premtuar se me ardhjen në pushtet të VV-së do të marrin fund punësimet familjare, por duket se diçka e tillë s’po ndodh.
Është e rëndësishme që në përfaqësimin e Kosovës me i pas njerëzit më të ndershëm dhe dijshëm. Nuk mundemi me i mbushë ambasadat, sikurse nuk mundemi me i mbush as ministritë me kushërinjë. Kushërinjtë janë për shtëpi. Familja është te shpija. Kur të bahet ministër, zëvendësministër, deputet apo drejtor apo edhe në komunë nesër pasnesër, duhet me u ba veç ai person, jo me shku me krejt fisin aty. Fisi është për dasmë, për gazmend privat. S’ka dasma nëpër ministria”, kishte thënë Kurti./Botapress/