Abdixhiku pret në takim Mandl: Austria mbetet partner i qëndrueshëm i Kosovës

Kryetari i LDK-së, Lumir Abdixhiku, ka pritur në takim një delegacion të partisë austriake ÖVP, në përbërje të eurodeputetit dhe mikut të madh të Kosovës, Lukas Mandl, si dhe një grup deputetësh e politikanësh austriakë me përvojë të gjatë.

Abdixhiku ka njoftuar se në fillim të takimit ka theksuar vlerat e përbashkëta që LDK-ja dhe ÖVP-ja ndajnë si parti të qendrës së djathtë – vlera të demokracisë, përgjegjësisë dhe zhvillimit.

Tutje, kreu i LDK-së theksoi se me delegacionin austriak ka ndarë përvojën e shtetndërtimit të Kosovës, sfidat dhe sukseset si shtet i ri demokratik, si dhe mirënjohjen për përfshirjen e drejtpërdrejtë të shumë prej tyre në kauzën për liri e pavarësi – mbështetje për të cilën populli i Kosovës është thellësisht falënderues.

Postimi i plotë:

Sot prita në takim një delegacion të partisë austriake ÖVP, në përbërje të eurodeputetit dhe mikut të madh të Kosovës, Lukas Mandl, si dhe një ekipi deputetësh e politikanësh austriakë me shumë përvojë.

Në fillim të takimit, theksova vlerat e përbashkëta që Lidhja Demokratike e Kosovës dhe ÖVP ndajnë si parti të qendrës së djathtë – vlera të demokracisë, përgjegjësisë dhe zhvillimit. Po ashtu, nënvizova bashkëpunimin tonë të ngushtë në kuadër të Partive Popullore Evropiane (EPP), si dhe mbështetjen e përhershme që kancelarët e Austrisë i kanë dhënë rrugëtimit euroatlantik të Kosovës.

Me delegacionin austriak ndava përvojën e shtetndërtimit të Kosovës, sfidat dhe sukseset tona si shtet i ri demokratik, por edhe mirënjohjen për përfshirjen e drejtpërdrejtë të shumë prej tyre në kauzën tonë për liri e pavarësi – një mbështetje për të cilën jemi si popull thellësisht falënderues.

Austria ka qenë dhe mbetet një partner i qëndrueshëm i Kosovës në çdo etapë të zhvillimit tonë.