Presidentja e Kosovës, Vjosa Osmani, ka reaguar sot pas vendimit për heqjen e tarifës 10% ndaj produkteve amerikane, duke kujtuar se muaj më parë kishte kërkuar një hap të tillë nga Qeveria e Kosovës.
Në një postim në ‘X‘, Osmani tha se Kosova është krenare që ka qenë vendi i parë që ka propozuar eliminimin e barrierave tregtare ndaj aleatit kryesor.
“Që nga sot, hyn në fuqi vendimi i Kosovës për një tarifë ZERO për të gjitha mallrat amerikane. Jemi krenarë që kemi qenë vendi i parë që propozoi heqjen e të gjitha barrierave ndaj aleatit tonë më strategjik”, ka shkruar Osmani, pa përmendur Qeverinë e Kosovës si vendimmarrëse.
Në reagimin e saj, presidentja ka etiketuar presidentin amerikan Donald Trump, duke theksuar:
“Kosova është partneri juaj i besueshëm në përpjekjet tuaja për ta bërë Amerikën dhe aleatët e saj më të fortë, më të sigurt dhe më të begatë”.
Të tjera
Lajme
Sveçla: Goditje e fortë krimit – 26 të arrestuar dhe 150 mijë euro të sekuestruara
Ministri i Punëve të Brendshme, Xhelal
Lajme
Reduktime të furnizimit me ujë në Podujevë për shkak të një defekti
Konsumatorët në Podujevë do të përballen
Aktuale
Irani flet për “përparim”, ndërsa Trump refuzon “shantazhin”
Kryetari i parlamentit të Iranit tha