Izraeli kritikon ashpër Këshillin e OKB-së për hapësirën që po i jep Iranit

Përfaqësuesi i Izraelit në Organizatën e Kombeve të Bashkuara në Gjenevë ka shprehur “kundërshtim të fortë” ndaj fjalës që i është dhënë Iranit në Këshillin e të Drejtave të Njeriut, vetëm pak para takimeve të ministrit iranian të Jashtëm me homologët evropianë për të diskutuar për de-eskalimin e konfliktit, raporton Reuters, transmeton Express.

Bëhet e ditur se në një letër drejtuar presidentit të Këshillit, Jurg Lauber, Daniel Meron ka thënë se dhënia e fjalës ministrit të Jashtëm iranian para këtij organi minon besueshmërinë e Këshillit dhe përbën një tradhti të hapur ndaj viktimave të regjimit iranian në mbarë botën.

Këshilli ka konfirmuar se ministri Abbas Araqchi, do të flasë para trupit dhe më pas do të ketë takime me shefin e politikës së jashtme të BE-së dhe homologët e tij britanik, francez dhe gjerman për të diskutuar çështjen e zbutjes së tensioneve.

Ndër të tjera, në letrën e tij, thuhet se Meron po përdor këtë forum ndërkombëtar për të promovuar “fushatën despotike të regjimit.”

Kujtojmë se më herët gjatë javës, ambasadori iranian në OKB Gjenevë e akuzoi Izraelin për sulme që ai i quajti “akt lufte kundër njerëzimit.”