Sonte në zemër të Tiranës – Kuqezinjtë përballë Serbisë në “Air Albania”

Shqipëria dhe Serbia do të përballen sot në Tiranë, në kuadër të kualifikimeve për Kupën e Botës 2026, në një ndeshje që pritet të jetë e ngarkuar si sportivisht ashtu edhe emocionalisht.

Kuqezinjtë kanë arkëtuar 3 pikë nga dy ndeshje, ndërsa për serbët kjo do të jetë sfida e parë në grup. Tensionet historike mes dy ekipeve kanë bërë që ky duel të marrë vëmendje të madhe, por nga të dy kampet është kërkuar qetësi.

Trajneri Sylvinho dhe kapiteni Gjimshiti, ashtu si Stojković dhe Mitrović nga pala tjetër, kanë shmangur deklaratat e forta, duke u fokusuar te loja.

Atmosfera në kryeqytet pritet të jetë elektrizuese, ndërsa të dyja kombëtaret synojnë një fitore të rëndësishme për vazhdimësinë në kualifikime.