Bastisje nga Krimet Ekonomike në Gjakovë – Në shënjestër drejtori i patentë-shoferit

Burime të sigurta të Sinjalit bëjnë me dije se Njësia e Krimeve Ekonomike ka ndërmarrë një aksion bastisjeje në Gjakovë, konkretisht ndaj drejtorit të Qendrës së Patentë-Shoferëve, Kamer Shabanaj, si dhe pronarit të autoshkollës “Kader”.

Bastisjet po zhvillohen në lokacione të ndryshme dhe dyshimet e para lidhen me keqpërdorime të mundshme në procesin e pajisjes me patentë shofer, ndërsa hetimet janë në fazë aktive.

Aksioni është duke u udhëhequr nga Njësia për Hetimin e Krimeve Ekonomike dhe Kundër Korrupsionit dhe pritet të ketë sekuestrime të dokumenteve dhe pajisjeve elektronike.