Kurti e ftoi Memli Krasniqin në takim, por PDK’në e do në opozitë: Nuk na duhet në Qeveri

“Mezi pas 20 vitesh e nxorëm në opozitë”, tha Kurti për Partinë Demokratike të Kosovës, duke mos e përkrahur idenë për Qeverinë Tranzicionale.

Sipas tij, vendi duhet të ketë opozitë dhe PDK-së “i duhet edhe një mandat në opozitë”, tha Kurti. Por, i njëjti kishte thirrë në takim kreun e PDK-së Memli Krasniqi për të dalë nga ngërçi.

“Nuk jam për qeveri tranzicionale, që e lënë Kosovën pa opozitë. Në demokraci duhet të kemi opozitë. Besoj që edhe një mandat minimalisht i duhet PDK-së të jetë në opozitë, mezi pas 20 vitesh e nxorëm në opozitë. Unë nuk e di pse gjith ky zell i disa të atyre që janë në opozitë e nuk janë në PDK ta kthejnë PDK-në në qeverisje”, tha Kurti në RTK, transmeton Express.

“Nuk na duhet PDK-ja”, tha ai.