Prof. Fetah Bahtiri me punën e tij krijuese ka bërë emër në krijimtarin letrare. Librat e tij të botuar në zhanre të ndryshme po pelqehen nga lexuesit, ndërsa në kritikën letrare po vlerësohen me notë të lartë niveli artistik dhe përmbajtja e temave të shjelluara aq bukur. Me një fjalë, z. Bahtiri me aktivitetin e tij përmbajtësor jo vetëm si krijues, por edhe si mësues, përkthyes profesional, veprimtar i palodhur për çështje kombëtare, humanist është një personalitet shumë i respektuar jo vetëm nga mërgata shqiptare, por edhe nga autoritet suedeze dhe miqë e koleg të këtij shteti skandinav, si dhe në Kosovë, Shqipëri, Iliridë dhe në trojet tjera etnike shqiptare.
Vargjet në mërgim – Verser i exil
Njëri ndër librat që po pushton zemrën e mërgimatrëve, pa dashim , se është edhe libri poetik “ Vargje në Mërgim”. Ky libër ështëi përkthyer edhe në gjuhën suedeze nga alabanalogu dhe miku i shqiptarëve Ullmar Qvick “Verser i exil”. Prof. Fetah Bahtiri këtë libër dhe shumicën e të tjerëve i shkruajti me një shqetësim kurbetçar, duke manifestuar e prodhuar ndjenja të vargut poetik, apo thënë më mirë mblodhi mektarin e fjalës më të bukur shqipe, duke dëshmuar, po ashtu, botën e tij patriotike, mllefin e tij social, por edhe krenarinë që i përke kombit shqiptar. Në fakt, Fetah Bahtiri edhe në këtë libër dëshmon se është poet i imazhit të qartë, figurës së gjallë dhe të freskët, i depërtimit në thellësi të vetvetes dhe në raportet shoqërore ku gjenë dhe sendërton trajtat dhe përmbajtjen e poezive të tij. Të bie në sy një pasqyrim i suksesshëm i shtjellimit të temave për jetën, për vvendlindjen, për të afërmit, miqët, dashurinë, që ka burimin nga thellësia e shpirtit, për trimat e legjendat e gjalla të shqiptarisë. Thënë konkretisht, ai me nivelin e tij të lartë artistik arrinë që të reflektoj tek lexuesi energji pozitive siç është ngrohtësia, sinqeriteti dhe thellsinë e ndjenjave poetike, mënyrën e jetesës, sidomos në mërgim. Ky krijues në librin “ Vargje në mërgim” me një prirje të shprehjes në vargje, tregon se përjeton dhimbshëm diçka të madhe dhe gati të papërballueshme, që e preokupon një kohë të gjatë, që nuk mund ta mban në heshtje, sepse dashuris ndaj atdheut është e madhe në dimensionin e imagjinatës poetike dhe buçon me vargjet:
Unë
Shikova edhe lot të zi
Të mikesha e djallit
Këta lot i freskonin kujtimet
Për ty
Kosova ime
Autori ka jetuar kohë të gjatë në mërgim, ndaj, është e kuptueshme, që nuk mund t’i ikë temave që kanë të bëjnë me mallengjimin dhe dashurinë që ka ndaj vendlindjes, prindërve, motrave e
vëllëzërve, bukuris, natyrës.
Droj
Se do të më verbohen sytë
Prej vajit që bëj
Ditë e natë
Nga mallengjimi që ndiej
Për Kosovën time
Është ky një shpërthim dhe ballafaqim me jetën në kurbet, është dashuri për të vërtetën.Nga vitet e humbura në kurbet ai përmes vargjeve kërkon kthimin e dritës së shpirtit, mengjezin e diellit dhe fluturimin e shqiponjes për të parë ma mirë e më qartë nga qielli ato bukuri të Shalës së Bajgores.
Lexuesi e ka fare lehtë të kuptoj nga ky libër poetik, por edhe të besoj e të bindet përmes vargjeve për misionin e realietit të jetës, për të dashur jetën dhe njëkohësisht duke i kënduar jetës të largohen vuajtjet shpirtërore dhe të zemrës.
Qelësi i tij i mirëfilltë poetik hap dyert e krijimit të vargjeve më të bukura edhe për kryetrimin dhe
legjendarin Adem Jashari, sepse ai ishte personaliteti që i dha dritë e liri Kosovës. Ai me këtë rast shprehet:
Kur e dëgjoj Emrin Adem Jashari
Me cingeron muza nga eteri së pari
Me pushton vetë frymëzimi i njerëzisë
Për këtë yll që shndrit çdo cep të shqiptarisë
Ndërkaq, për ish- Presidentin Dr. Ibrahm Rugova ai do të këndonte kësisoj:
U ngazëllua Plisi, Toka, Qielli dhe Kosova
Atë ditë kur u lind Ibrahim Rugova.
Na e dërgoi dhurat e lume Perendia
Që të bëhet përgjithmonë e lirë Dardania.
Vdekja e motrës e tronditë rëndë autorin e këtij libri poetik dhe me lot, dhimbje e vuajtje i drejtohet me vargjet:
Iku Hida e ime e re
U shua ylli i saj mbi dhe.
Nuri lule i motrës sime
U zbeh, aman pse?!
Dhe krejt në fund: Prof. Fetah Bahtiri në letërsinë shqipe ka hyrë me një eksperiencë artistike të jashtëzakonshme, apo thënë më mirë me gjuhën e fakteve se ai ngrit lartë nivelin artistik të bërjes aq të lexueshme të poezive si dhe cilësinë e profesionalizmit të shtjellimit të temave në vargun e tij.
