Përfaqësuesi i Sindikatës së Bashkuar e Arsimit, Shkencës dhe Kulturës (SBASHK), Ymer Ymeri, ka thënë se nëse kryeministri i Kosovës, Albin Kurti ua ngrit pagat 50 për qind, ata do ta ‘simpatizojnë’ atë, transmeton Gazeta Botapress.
Ymeri ka thënë se ish-kryeministri Hashim Thaçi kishte kontribuar më së shumti për sektorin e arsimit në Kosovë.
Ai shtoi Thaçi ka natyrshëm një simpati nga udhëheqësit e sindikatës pasi ua kishte rritur pagat.
“Asnjëherë në jetë nuk kam qenë anëtar i PDK-së. Ish-kryeministri Hashim Thaçi ka bërë më së shumti për arsim. Kur një kryeministër ia rrit punëtorëve të arsimit pagat njëherë 50%, pastaj edhe 25%, atëherë normalisht që udhëheqësit e sindikatës kanë me pas simpati”, tha Ymeri në Telegrafi.com
Tutje tha se “Kryeministri Kurti le ta rrit rrogën 50%, krejt kemi me u bë me të”.
Ndërkaq Ymeri thotë se nuk e din ku janë mospajtimet mes sindikatave dhe Qeverisë pasi nuk ka pasur asnjë takim me ta.
Ndryshe Ymer Ymeri ka sot thënë se kur Albin Kurti të jap dorëheqje nga kryetari i Vetëvendosjes (VV), atëherë edhe kryetarët e sindikatave mund ta ndjekin shembullin e tij. /Botapress.info/
