Presidenti i Serbisë, Aleksandar Vuçiq, ka tentuar ta portretizojë si shokuese emërimin e Nenad Rashiqit nga kryeministri Kurti.
Ai po ashtu tha se nuk do të shkonte as në Tiranë, ku do të zhvillohet samiti mes BE-së dhe Ballkanit Perëndimor. Por të hënën, gjithçka ishte ndryshe.
I pyetur nga një gazetar nëse do të shkojë në samitin (BE-Ballkani Perëndimor) në Tiranë, ai tha se do të shkojë.
“Kam folur me Anën (Brnabiq), me miqtë e mi, nuk e kam problem, nuk është çështje egos sime, kam dhjetë vjet e gjysmë që përpiqem të kujdesem gjithmonë për gjithçka, ndonjëherë ju pushtoheni nga emocionet, nuk di më çfarë të bësh, kur dikush ka muaj që të prodhon kriza”.
“Unë duhet të jetoj me këtë. Gjithçka që thashë ishte e vërtetë. Do të ketë shumë të mira për qytetarët tanë nga udhëtimi në Tiranë.” – tha Vuçiq.
