Botapress 30 Prill 2021- Policia e Kosovës ka arrestuar Faton Brahimin, i cili kërkoi për veprën penale ‘Vrasje’ dhe krejt kjo erdhi pas publikimit të fotografisë ku u ndihmua nga qytetarët, shkruan Gazeta Botapress.
Policia e Kosovës-Drejtoria Rajonale e Policisë në Pejë, me datë 25.04.2021, ka lëshuar kërkesë për bashkëpunim me qytetarë për arrestimin e personit të kërkuar: Faton (Shaban) BRAHIMI, i cili kërkohej për veprën penale vrasje.
“Policia e Kosovës falë bashkëpunimit me qytetarë pas publikimit të fotos së personit të kërkuar, ka arritur të siguroj informacion lidhur me vendndodhjen e të kërkuarit dhe me datë 29.04.2021,është bërë arrestimi i tij”, thuhet në njoftim Policisë.
I dyshuari i lartcekur është dërguar në ndalim policor.Faton Brahimin, është i dyshuar për vrasjen e familjarit në Novosellë të Pejës, javën e kaluar.
Menjëherë pas vrasjes dolën informacione se viktima dhe dorasi ishin djemë të axhës dhe se tragjedia dyshohet të ketë ndodhur për çështje pronësore.
Më poshtë fotografia e personit të arrestuar dhe arma. /Botapress./
