Ish Deputeti i Lidhjes Demokratike të Kosovës, Faton Bislimi ka publikuar në facebook një njoftim të Ligës Qytetare Shqiptaro- Amerikane, ku thuhet se që nga zgjedhja e Presidentit Joe Biden, lidershipi demokrat e respektojnë dhe i besojne punës mbi tridhjete vjeçare të saj.
Bislimi shkroi në Facenook se për më shumë se tri dekada Kongresisti DioGuardi dhe znj. Shirley Cloyes DioGuardi, si udhëheqës të Ligës Qytetare Shqiptaro-Amerikane, organizatës së vetme të regjistruar si lobi në washington, DC, kanë trasuar rrugën e miqësisë sonë permanente dhe unike me SHBA-të!
“Edhe sot, ata janë gardianë sy-shqiponje të kauzës sonë kombëtare në përgjithësi dhe shtetit të Kosovës në veçanti! Të pamposhtur, të pa ndalur, të përkushtuar për kombin tonë, në çdo kohë. Respekti që këta gëzojnë në Capitol Hill është aset i pakrahasueshëm për shtetin tonë! Dhjetë takime për tri ditë — me njerzit më të fuqishëm të politikës së jashtme amerikane në Kongres — absolutisht punë madhështore! #Krenar”, ka shkruar Bislimi në Facebook.
Ndryshe, në njoftimin e Ligës Qytetare Shqiptaro-Amerikane thuhet se kongresistët Shirley Cloyes DioGuardi dhe Joe DioGuardi kanë zhvilluar 10 takime në Washington, DC, me zyrtare të larte të Komiteteve për Punë të Jashtme të Kongresit dhe Senatit të SHBA-ve, ku është diskutuar për Kosovën.
Njoftimi i plotë:
Te nderuar miq e perkrahes–
Me 20 deri me 23 korrik, ne kishim dhjete takime ne Washington, DC, me zyrtare te larte te Komiteteve per Pune te Jashtme te Kongresit dhe Senatit te SHBA-ve, me te cilet kemi diskutuar rrugen perpara ne zgjidhjen e konfliktit te vazhdueshem Serbo-Shqiptar.
Qellimi yne ne keto takime ishte perforcimi i pozites se Kosoves — duke argumentuar se nuk ka asnje arsye per te pase negociata serioze me Serbine para se ajo ta njehe shtetin e pavarur te Kosoves.
Jemi te kenaqur te raportojme se, qe nga zgjedhja e Presidentit Joe Biden, lidershipi demokrat ne te dyja keto Komitete e respektojne dhe i besojne punes mbi tridhjete vjecare te Liges Qytetare Shqiptaro-Amerikane (duke filluar me perpjekjet e Kongresistit Joe DioGuardi per pavaresine e Kosoves ne Capitol Hill qysh nga vitet 1980-ta), e ndajne besimin se Shtetet e Bashkuara tani mund ta bejne dallimin serioz per te ardhmen e Kosoves permes nje involvimi te shtuar ne Ballkanin Perendimor, dhe duan qe ne vazhdimesi te marrin raportet dhe sygjerimet tona.
Gjithe te mirat,
Shirley Cloyes DioGuardi | Joe DioGuardi
Këshilltare për Çështjet e Ballkanit | President./Botapress/
