Një fenomen mjaft shqetësues për qytetarët e Kosovës janë bërë vjedhjet e shpeshta nëpër shtëpi, që po shkaktojnë ankth e pasiguri, sidomos kur shtëpitë mbesin pa përkujdesje,/
Kështu e ka pësuar dje edhe një familje në fshatin Vraniq të Suharekës, ku persona të panjohur kanë hyrë me forcë brenda shtëpisë.
E rrahën ish-dhëndrrin pasi kreu takimin me vajzën, pamje nga sulmi ndaj 26-vjeçarit në Vushtrri
Sinjali mëson se rastin e ka denoncuar një person i mitur, i cili ka deklaruar se jeton i vetëm në shtëpi për shkak se babai i tij ndodhet jashtë shtetit me punë.
Njësitë policore kanë dalë në vendin e ngjarjes ku kanë kryer ekzaminimet e nevojshme që ndihmojnë në zbardhjen e rrethanave të rastit, teksa janë njoftuar nga i mituri se hajnat kanë hyrë brenda shtëpisë përmes dritares së bodrumit.
Sipas tij, hajnat kanë arritur që të marrin para të gatshme në vlerë të rreth 300 eurove, një armë zjarri dhe gjashtë orë dore.
Momentalisht nuk ka persona të dyshuar, mirëpo janë marrë veprimet hetimore që ndihmojnë në identifikimin e tyre.
Me urdhër të prokurorit, rasti është cilësuar ‘Vjedhje e rëndë’.
