Videot shqetësuese dhe tronditëse të pasojave nga tërmeti shkatërrues në Turqi dhe Siri po bëjnë xhiron nëpër botë.
Një ndër to është edhe ajo e një qeni në qytetin Hatay të Turqisë i cili po pret jashtë një ndërtese të shembur ku pronarja e saj mbeti e bllokuar për pesë ditë.
I mbijetuari i tërmetit, Mustafa Sonmez tha se e kishin dërguar qenin në një vend tjetër por u kthye, dhe se vazhdon të pret për pronaren e tij, transmeton Telegrafi.
“Qeni doli i gjallë ditën tjetër, dhe po pret pronaren e tij që atëherë. Ne e çuam në një vend tjetër por u kthye, vazhdon të pret këtu për pronaren e tij”, thotë Sonmez.
“Ajo është ende nën rrënoja, nuk është shpëtuar ende. Kur punonjësit e shpëtimit fillojnë të përdorin traktorin qeni fillon të lehë”, shtoi ai.
