Gazeta sot raportoi se Faruk Iseni, i paraburgosur në Prizren, ka bërë vetëvrasje në dhomën ku po qëndronte në Qendrën e Paraburgimit në Prizren.
Shërbimi Korrektues i Kosovës ka njoftuar se lidhur me këtë rast janë suspenduar zyrtarët përgjegjës, ndërsa janë njoftuar Policia e Kosovës dhe prokurori.
34-vjeçari Faruk Iseni dyshohet se u vetëvra në dritaren e banjos së qelisë.Sipas SHKK-së, ai në vazhdimësi ka pasur probleme shëndetësore të natyrës mendore, ngecje në zhvillim mendor, për çka është trajtuar në vazhdimësi nga mjeku i burgut, psikiatri, psikologu.
Gazeta në shtator kishte publikuar pamje se si Iseni ia kishte grabitur një personi 20 mijë euro nga dora. Iseni përderisa kishte provuar të këmbente monedha nga Franga në Euro, në një këmbimore në qytet, kur viktima ishte duke i numëruar të hollat në vlerë prej 20 mijë euro, ai i ka grabitur të hollat duke e goditur viktimën dhe ka filluar ikjen.
Ky është i paraburgosuri që bëri vetëvrasje në Qendrën e Paraburgimit në Prizren
Pamje sesi i paraburgosuri që bëri vetëvrasje në Prizren ia kishte grabitur kaq para
