Të premten në Babaj të Bokës në Gjakovë do të mbahet ushtrimi ushtarak “Defender-Europe 21’. Ministria e Mbrojtjes ka njoftuar se në këtë ngjarje do të marrin pjesë krerët më të lartë të shtetit, përkatësisht presidentja Vjosa Osmani, kryeministri Albin Kurti, ministri i Mbrojtjes Armend Mehaj dhe pjesëtarë të lartë të FSK-së.
Gjithashtu në këtë ushtrim do të marrin pjesë edhe atashe dhe ushtarak të lartë nga ushtria e SHBA-e.
Nga 17 maji e deri më 29 maj, Kosova do të jetë arenë për stërvitje të përbashkëta të forcave të ushtrisë së SHBA-së dhe të Kosovës.
“Defender Europe 2021” është ushtrimi më i madh i SHBA-së pas Luftës së Dytë Botërore, përfshin 16 stërvitje në Evropë, mes tyre edhe në Kosovë.
FSK-ja është përfshirë me 330 pjesëtarë në këtë stërvitje./Botapress/