[responsive-menu menu="logged-in-menu"]

Tyson Fury s’humb kohë, i përgjigjet ashpër Anthony Joshuas



Tyson Fury i është përgjigjur ashpër Anthony Joshuas, duke thënë se do të fitojë me nokaut në rundin e tretë në meçin e kërkuar nga vetë Joshua për titullin e kampionit të padiskutueshëm të botës në kategorinë e rëndë.

Joshua i mbrojti titujt e vet IBF, WBA dhe WBO duke e rrëzuar në tapet tri herë Kubrat Pulevin dhe duke e nokautuar atë në rundin e nëntë të shtunën në Londër, transmeton Gazeta Express.Joshua është tani një hap më afër lutës me kampionin e pamposhtur në WBC, Fury, për kampionin e padiskutueshëm të botës.

Fury e kritikoi Joshuan për intervistën pas meçit në rrjete sociale, duke thënë: “Ai u pyet nëse e dëshiron meçin dhe ai e shmangu pyetjen”.

Ai shtoi: “Dua meç kundër tij. Meçi im i radhës dua të jetë kundër tij. Do ta nokautoj atë brenda tri rundeve”.Fury është i pamposhtur dhe e mban titullin e vetëm që i mungon Joshuas, prandaj lufta mes tyre do të ishte më e madhja në historinë e boksit.

Duke folur pas triumfit ndaj Pulev të shtunën, Joshua i dërgoi mesazh bashkëkombësit të vet se dëshiron luftë kundër tij.“Kushdo që i ka brezat dua të luftoj kundër tij. Nëse ai është Tyson Fury, le të jetë Tyson Fury”, tha Joshua.