Boksieri nga Britania e Madhe, Josh Taylor, është kampion i padiskutueshëm i botës, pronar i titujve WBC, WBA, IBF dhe WBO në peshën super të lehtë. Taylor së fundi shkatërroi Jose Ramirezin.
Cila është e veçanta e këtij boksierit të famshëm?Ish boksieri i Prishtinës dhe ish Kombëtares së Kosovës, Gazmend Gashi, para tetë viteve ka boksuar kundër Josh Taylor.
Rezultatet 2013
Pikërisht me 9 nëntor të vitit 2013 në Shkup të Maqedonisë, në garën e njohur “Gongu i Artë“. Një përballje në kategorinë 64 kg, që ka qenë shumë e fortë dhe të cilën e kishte fituar Taylori.
Taylor nga amatorizmi kaloi në profesionalizëm dhe sot është në maje të boksit botëror.
Gazmend Gashi
Gashi është tërhequr nga garat aktive, shkaku i kushteve jo të mira para 6 viteve, në kohën më të mirë, si sportist në moshën 22 – vjeçare, shkaku i punës dhe edukimit sportiv universitar.
Ai sot punon (Kfor/Ecolog) dhe si edukator dhe pedagog në një “Akademi të sporteve marciale Fight Factory” me partnerin e Butrint Ejupi.
“Ne si garues elitar, në shumë gara të mëdha nuk na është ofruar përkrahje financiare, dhe në disa vende të cilat nuk na kanë njohur si shtet na është penalizuar pjesëmarrja.
Prandaj inkurajoj të gjithë nxënësit dhe garuesit perspektivë të punojnë pa u ndalur më përkushtim të madh, që sakrifica gjatë viteve të jep fryt e të shpërblehet në fund”, thotë Gashi.
Kur Gashi sot kujton vitin 2013 dhe e sheh Taylorin se është në maje të boksit botëror, është një emocion që nuk kontrollohet.
“Ishte një finale interesante në vitin 2013 dhe pësova humbje nga Taylor. Megjithatë luftova fortë dhe me pak fat do të ia dilja. Shiheni sot Taylorin është kampion i padiskutueshëm në botë”, tha Gashi./Botapress.
Po t’i kishte Gashi kushtet e Taylorit sigurisht që sot do të ishte në të njëjtin rang, që besa edhe më i mirë.
Edhe në Federata e Boksit të Kosovës e pranojnë se Gashi ka qenë talent i madh. Me një fjalë, Kosova dhe boksi kishin humbur një talent të madh në mungesë të mjeteve financiare. E pafalshme./Botapress/
