[responsive-menu menu="logged-in-menu"]

Sot fillojnë gërmimet për varrezë masive tek ura e Ibrit



Sot do të fillojnë gërmimet në kërkim të varrezës masive afër lokacionit ku ka qenë xhamia e Ibrit në veri të Mitrovicës.

 Këtë e ka bërë të ditur për KosovaPress, Bajram Çerkini, kryetar i Këshillit koordinues të shoqatave për persona të pagjetur në rajonin e Mitrovicës.

Çerkini theksoi se për sigurinë e punimeve do të kujdesen të gjithë faktorët relevantë, duke përfshirë policinë, EULEX-in dhe KFOR-in, varësisht nga situata që do të krijohet, ndërsa ka apeluar tek familjarët që të mos dalin në vendngjarje gjatë punimeve.