Banorët e Evias në Greqi dhe fshatrave përreth janë përballur me pasoja katastrofale, si pasojë e shiut të dendur të shtunën mbrëma, por edhe i zjarrit gjatë verës.
Shirat e dendura në zonat Agia Anna, Achlakdi dhe Kotsikia, si dhe fshatrat tjera përreth, shkaktuan dëme të konsiderueshme. Qindra shtëpi u përmbytën, ndërsa edhe rrugët u bënë të pakalueshme.
Katër persona mbetën të ngujuar në Agia Anna, ndërsa sipas kryetarit të komunës Mantoudi, Giorgos Tsapourniotis, rreth 100 persona u shpëtuan nga vërshimet që nga mbrëmja e të shtunës dhe u vërshuan mbi 200 shtëpi.
Zëvendës-kryetari Mantoudi, Dimitris Skopelitis, ka thënë se katër të moshuar kanë mbetur të ngujuar, por janë në shëndet të mirë dhe po vazhdon operacioni për t’i shpëtuar./Botapress.info/