Pas gati 10 vjetësh, Komuna e Prishtinës ia ka lëshuar Bashkësisë Islame të Kosovës, lejen ndërtimore Xhaminë Qendrore në Prishtinë. Por, çka thuhet saktësisht në dokumentin e lejes të lëshuar nga Drejtoria e Urbanizmit?
Me lejen e lëshuar, BIK’u obligohet që të fillojë me punët ndërtimore brenda një viti, raporton Express.
“Të fillojë me punët ndërtimore brenda një viti nga data e dhënies në dorëzim të këtij vendimit të lejes ndërtimore apo me kërkesë t’i drejtohet këtij organi para skadimit të këtij afati për vazhdimin e vlefshmërisë edhe për një vit tjetër të këtij afati”, thuhet në dokumentin e lejes.
Përveç nisjes së punimeve, Bashkësia Islame obligohet edhe që të vendos tabelën informuese në vend ndërtim, të sigurojë që kontraktuesi në vend ndërtim të posedojë dokumentet e lejes, kontratës e ndërtimit, t’i dorëzojë njoftim inspektoratit për fillim të ndërtimit etj.
Në këtë dokument jepen edhe detaje se si do të duket xhamia nga brenda.
Aty tregohet në detaje se sa do të jetë sipërfaqja e garazhit nëntokësor, sallës për konferenca, banesën e imamit, sallën për lexim dhe kompjuterë, kuzhinën, restorantitm hapësirën për thirrje të lutjeve, vendosje të këpucëve etj.
Ndryshe, pas dhënies së lejes ndërtimore, Bashkësia Islame e Kosovës ka thënë se do të vazhdojnë me punimet menjëherë.
Sekretari i BIK’ut, Ahmet Sadriu i kishte thënë Gazetës Express se gjithçka është gati, derisa kishte folur edhe për kushtin që u është dashur ta plotësojnë për ta marrë lejen ndërtimore.
Sipas tij, ndërtimi i xhamisë pritet të përfundojë brenda tri vitesh.
“Po, është e vërtetë, dje komuna e Prishtinës e ka lëshuar lejen finale për ndërtimin e xhamisë Qendrore në Prishtinë. Punimet veç kanë filluar në vitin 2020 kur na është lëshuar një leje e pjesëshme për hjekjen e dheut dhe vendosjen e pilotave. Për ta marr lejen përfundimtare, kusht ka qenë që të sigurohet hyrja nga pjesa e poshtme, me sigurimin e kyqjes nga rruga e poshtme, komuna ka vendosë për dhënje të lejes. Tani punët do të vazhdojnë me dinamikën e paraparë. Xhamia pritet të jetë e gatshme brenda tri viteve./Botapress.info/
