Disa shpërthime të forta dhe sërish tragjike u dëgjuan në të gjithë Kyivin mëngjesin e sotëm.
Të paktën dy persona vdiqën dhe tre u shtruan në spital pasi një ndërtesë banimi në një periferi të kryeqytetit u godit nga bombardimet të hënën në mëngjes, thanë shërbimet ukrainase të urgjencës sot.
15 persona u shpëtuan dhe 63 u evakuuan pasi një predhë goditi katin e nëntë të një ndërtese banimi në lagjen Obolon, në periferi të Kyivit.
Nga qendra e Kyivit mund të shihej tymi që shkonte drejt qiellit.
Disa pamje të publikuara nga media ukrainase NEXTA TV tregojnë fabrikën e industrisë së aviacionit Antonov që është përfshirë gjithashtu në flakë.
