Ish-ministri i Inovacionit dhe Ndërmarrësisë, Muzafer Shala, ka kritikuar ministren e Arsimit, Arbërije Nagavci lidhur me kompensimin e orëve të humbura, duke e ka quajtur të pa aftë dhe me plotë popullizëm, shkruan Gazeta Botapress.
Me anë të një postimi në Facebook, Shala ka thënë se fëmijët për katër muaj kanë mundur të mësojnë online dhe nëse do të paraqitej nevoja, pastaj të plotësohet me mësim plotësues në rrethana më të përshtatshme.
“Vende të vogla si Kosova i kanë implementuar këto skenarë duke e pasur parasysh që hulumtimet shkencore po e nxjerrin mësimin online si komponentë të rëndësishme ne të ardhmen e procesit mësimorë. Me këtë situatë pa asnjë aktivitet edukativ, nxënësit po dalin nga rutina e mësimit, dhe do të jetë e vështirë më vonë të kthehen ne rutinë. Ministrja e paafte për të filluar mësimin me prezence fizike, të kombinuar apo online, po vazhdon me kampanjën e vetë popullsite”, ka shkruar Shala.
Tutje ai ka thënë se ministrja po na hedhë hi syve duke e ditur që pagesat për studime ne institucione publike kanë qenë simbolike, falas dhe të rregulluara me akte normative si:
“1. Udhëzimi Administrativ 17/2014 i MASHT, qysh nga viti 2014 e specifikon që studentët shtetas të Republikës së Kosovës që fillojnë studimet në universitetet publike, vitin a parë të studimeve e kanë falas kurse pagesa për semestër për studentët e rregullt në nivelin “Bachelor” për vitin e dytë dhe të tretë të studimeve është vetëm 25€.
2. Udhëzimi Administrativ 24/2012 i MASHT, qysh nga viti 2012 e specifikon shkollimin falas për kategoritë e studentëve për asistence dhe kushtet për përfitimin e asistencës duke e përfshi edhe rastin kur një familje ka më shume se dy studentë në studime në të njëjtën kohë atëherë studenti i trete e ka shkollimin falas.
3. Udhëzimi Administrativ 12/2015 i MASHT, qysh nga viti 2015 e specifikon që përfitues i bursës së plotë për vitin akademik aktual ku ata ndodhen, janë studentët që kanë notën mesatare të studimeve së paku tetë( . Pastaj ky udhëzim është plotësua me UA 14/2017 të MASHT, dhe nota mesatare nga tetë tani kërkohet të jetë më së paku nëntë (9)”, ka shkruar ai.
Më poshtë keni postimin e tij. /gazetametro.net