Të hënën mbahet seanca për debatin parlamentar të kërkuar nga PDK në lidhje me sigurimin e vaksinave. Kryesia e Kuvendit të Kosovës është mbledhur mesditën e së martës.Shefat e grupeve parlamentare në këtë takim janë pajtuar që të hënën të mbahet seancë ku do diskutohet për sigurimin e vaksinave.
Debatin parlamentar për vaksina dhe situatën me pandeminë e ka kërkuar Partia Demokratike e Kosovës.
Shefi i deputetëve të kësaj partie, Albelard Tahiri ka thënë që Qeveria Kurti nuk po shfaq interesim për sigurimin e vaksinave.
E në foltore pas mbledhjes së kryesisë ka dal edhe ushtruesja e detyrës së shefes së deputetëve të VV-së, Mimoza Kusari-Lila.
Sipas saj, Qeveria Kurti shumë shpejt do të dal me një qëndrim përkitazi çështjes së dialogut me Serbinë.PDK vlerëson që në procesin e dialogut qeveria nuk duhet të bëj kompromise.E Tahiri beson që SHBA-të nuk do kërkojnë diçka të tillë nga Kosova.
Kujtojmë që Kuvendi i Kosovës që nga data e konstitutimit, 23 marsi ka mbajtur vetëm 5 seanca.Prej tyre katër të jashtëzakonshme./Botapress/
