Sabri Beqiri një ish-gazetar i gazetës studentore Bota e re në vitet, i cili tash e 3 dekada jeton në Zvicër ka nxjerrë mllefin e tij ndaj zhvillimeve aktuale politike në vendin tonë.
Beqiri përmes një postimi në Facebook ka kërkuar nga Institucionet e vendit që së paku gjatë verës, kur bashkatdhetarët vijnë për pushime, mos të mbahen seancat e Kuvendit të Kosovës, aty ku më së paku debatohet dhe ku më së shumti bëhet zhurmë e hidhen fjalë të rënda, shkruan Botapress.
Për më shumë ja postimi i Sabri Beiqir në Facebook:
Mos u çuditni pse ky popull u mashtrua nga Erdogani i Turqisë dhe xhamitë e tij, kur po mashtrohet madje edhe nga Ganimete Musliu dhe Besnik Tahiri! Mbyllini bre dyert e Kuvendit së paku gjatë muajve të verës kur ne gërnaçat vijmë për pushime se për besë po na e gërditni këtë vend! Madje, edhe mua që nuk kam asnjë simpati për asnjë lider politik dhe për asnjë parti politike në Kosovë, po doni me më marrë në qafë, po doni me m’detyru me u bë simpatizant i Qeverisë së “diktaturës”!
Ku keni parë bre ju dhe si po doni me ua mbush njerëzve mendjen se qenka mirë të tërhiqen kursimet pensionale nga fondi i Trustit?!
Pse bre njerëz po rreni?!
Pse po e rreni popullin?!
Pse po doni “diktaturës” me ia shtu edhe një votë në zgjedhjet e ardhshme?!…