Në takimin e ministrit të Shëndetësisë, Arben Vitia me përfaqësuesit e Odës së Hotelerisë, është vendosur që nga 15 qershori të hapen sallat e dasmave, dhe është dakorduar që paraprakisht të punohet në përpilimin e një manuali për ruajtjen e shëndetit publik gjatë mbajtjes së ahengjeve.
Kryetari i Odës së Hotelerisë, Hysen Sogojeva, tha se takimi ishte i frytshëm dhe se të premten Qeveria do të merr vendim për këtë sektor.
Për organizimin e dasmave këtë verë, numrin e musafirëve, çfarë do iu lejohet dasmorëve e çfarë do iu ndalohet, për këtë do të nxjerret një manual i cili do të prezantohet këtë të premte në mbledhjen e Qeverisë së Kosovës./Botapress/
