Një doktor i Spitalit të Përgjithshëm të Pejës (emër i njohur për redaksinë), dyshohet se të hënën ka sulmuar fizikisht një punëtor të spitalit. Rasti është hapur në polici.
Informacionin e ka konfirmuar për Gazetën zëdhënësi i Policisë për Rajonin e Pejës, Fadil Gashi.
Gashi tha se rasti është hapur si “lëndim i lehtë trupor”.
Pamje ekskluzive: Momenti kur futet nën rrugë vetura e Nusret Cenes, të sulmuar me breshëri plumbash
“Dje rreth orës 13:44 një punëtor i Spitalit Rajonal ka ardhë dhe e ka njoftu policinë se është sulmuar nga një mjek në Spitalin Rajonal në Pejë. Policia menjëherë ka dal në vendin e ngjarjes, i ka intervistu viktimën, dëshmitarët dhe të dyshuarin. Lidhur me rastin është njoftu prokurori i cili ka udhëzuar që të iniciohet rasti “lëndim i lehtë trupor”. Rasti është duke u hetuar nga njësiti kompetent policor”, tha Gashi për Express.
I pyetur se cili dyshohet se është motivi që çoi deri te sulmi fizik, Gashi tha “një mosmarrëveshje e kanë pas të brendshme, rreth orarit të punës”.
I njëjti shtoi se viktima ka pranuar trajtim mjekësor.
Lidhur me rastin Gazeta ka kontaktuar edhe Spitalin e Përgjithshëm të Pejës dhe është në pritje të një përgjigje./Botapress.info/
