Gazeta raportoi për një rrahje mes katër personave që ka ndodhur mbrëmjen e së premtes, në rrugën “Tepelena”, në fshatin Miradi e Ulët të Fushë Kosovës.
Burimet brenda Prokurorisë Themelore në Prishtinë kanë bërë të ditur për Sinjalin se personat e përfshirë në këtë rrahje janë fqinjë mes vete.
Përleshja mes tyre dyshohet se ka nisur për një borxh, i cili lidhet me fajde.
Çka deklaruan të dyshuarit?
Dy nga të dyshuarit kanë deklaruar para hetuesve të rastit se dy fqinjë të tyre kishin hyrë në garazhën e tyre pa dijeninë e tyre.
Sipas tyre e gjithë mosmarrëveshja mes tyre kishte lindur për shkak të një borxhi të pashlyer, që dyshohet të ketë lidhje me fajde.
Nga përleshja mes fqinjëve pësuan lëndime dy prej tyre, të cilët u dërguan për trajtim mjekësor në QKUK. Njëri prej të hospitalizuarve ka lëndime të rënda trupore dhe i njëjti është nën përkujdesjen e Policisë.
Burimet kanë bërë të ditur se prokurori ka urdhëruar që rasti të hapet për tri vepra penale “Lëndim i rëndë trupor”, “Fajde” dhe “Lëndim i lehtë trupor”.
Prokurori po ashtu ka urdhëruar që do të arrestuarit të dërgohen në mbajtje për 48 orë./Gazeta Botapress/
