[responsive-menu menu="logged-in-menu"]

Ronaldo shënon dy herë në ndeshjen e 100-të me fanellën e Juves



Ndeshja ndaj Genoas, ishte e 100-ta për superyllin Cristiano Ronaldo me fanellën e Juventusit.

Natyrisht se portugezi nuk do të dëshironte që në një sfidë të tillë jubilare të mos regjistrohej në listën e golashënuesve.

Juan Cuadrado nxori një penallti në fraksionin e dytë të lojës, ndërsa përgjegjësinë mori 35-vjeçari, i cili u tregua i saktë nga pika e bardhë.

Ky ishte goli i dytë i Bianconerëve dhe CR7 e riktheu epërsinë për skuadrën mysafire, pasi vendasit e kishin barazuar rezultatin.

Fillimisht, Paulo Dybala shënoi një gol të bukur (57’), ndërsa ish-lojtari i Juves, Stefano Sturaro (61’) e barazoi rezultatin, kurse Ronaldo e riktheu avantazhin me golin e tij (78’).

Ai e shënoi edhe golin e dytë personal, po nga pika e bardhë (88′) pas një penalltie ne Alvaro Moratan. /Telegrafi/