Duket gabimi ndodhi atehere, atehere para 20 e ca vitesh kur erdhi demokracia jone, ashtu si erdhi. Atehere duket dikush me fryme por pa ze i keshilloi te dyja palet, edhe pushtetaret, xhelatet edhe te burgosurit, viktimat, qe po leshonin burgjet.
Dikush me ndikim ne te dyja palet u tha, martohuni, martoni bijte e bijat me njeri – tjetrin. Dhe ashtu ndodhi. U martuan mes tyre pasardhesit e viktimave me te xhelateve. Ne shume raste. Ne mos pasardhes direkte, niper e mbesa, fare e fis. Kjo u pa si lehtesi, si çlirim, si rregullim hyjnor, si paqtim merish e shpirtrash. Nen dhembe, ne vetmi urreheshin mbase, nuk ia falte dot viktima xhelatit perdhunimin dhe xhelatet nuk ngopeshin akoma duke i perdhunuar, tani thjeshte nga frika e ndonje hakmarrje te verber, por kjo vetem ne vetmi, ne heshtje, larg syve te njerzve te afert te martuar e te lidhur ne lloj lloj krushqirash prej frike.
Po po, prej frike ndodhen keto martesa. Martesa qe pjellin pasardhes te cuditshem, nipa e mbesa xhelatesh e viktimash. Eshte shume e sikletshme, shume e veshtire te rroket me mendje te nxehte trashegimia e pasardhesve prej ketyre lloj martesave.
Gjyshi i dhendrit sekretar i pare a i dyte i komitetit te partise komuniste, gjyshi i nuses 20 vjet burg politik…
Gjyshi i dhendrit kishte firmosur internimin e familjareve te gjyshit te nuses…
Teksa pritej qe se paku te denuarit t’i debonin nga zyrat xhelatet, te mos i lejonin te vijonin te ishin ne pushtet, ata u bene krushq. Sepse te denuarit ende kane frike nga xhelatet dhe nga bemat e tyre nen presion e ne kushte terrori, por dhe xhelatet kane friken e ndonje ndeshkimi, se paku ndeshkimit me heqje privilegjesh te pushtetit.
Kjo frike dhe ruajtja e pozicioneve te tyre beri te behen krushq dhe ben qe sot xhelatet e diktatures te vazhdojne te kene pushtet me pasuesit e tyre dhe gjithe shoqeria te duket ne ngerç, kopilat te kene pushtet, vjedhja e korrupsioni t’i beje bashke gjithe palet ne kete vendin tone te vogel ku morali ka vdeke, ku sejcili i dime njeri tjetrin numrin e lugeve, pirujve, llojet e pjatave e shpesh ngjyrat e brekeve..
