Përparim Ramuka, i riu nga Ferizaj që protestoi të premten i vetëm para Qeverisë së Kosovës, tha se mori mbështetje edhe të pesë qytetarëve të tjerë, ndonëse pohoi se nuk e kishte të paralajmëruar protestën.
Ai në emisionin “Frontal” në T7 tha se u ndal edhe nga policia për shkak se nuk e lajmëroi protestën.
“Është një ndër gjërat më elementare tona kur është fjala për rritje të çmimeve. Nga fundit më janë bashkuar gjashtë qytetarë që ishin të revoltuar dhe ju dukej interesant se si po protestoja i vetëm. Njëri nga qytetarët mu afrua dhe më tha se edhe unë dua të protestojë me mu bashkua. Pastaj erdhën edhe katër u bëmë gjashtë. Erdhi policia. Kjo pasi unë nuk e kisha paralajmëruar protestën”, tha ai.
Më tutje, Ramuka deklaroi se arsyeja e protestës ka qenë rritja e çmimit të vajit, naftës dhe produkteve të tjera ushqimore.
