Reduktimet e rrymës po përcillen me dëme jo të vogla në sistemin energjetik, të cilat sipas KEDS-it, po vijnë nga mbingarkesa, shkruan Gazeta Botapress.
Një qytetar nga Lipjani, i cili jeton në rrugën “Gjergj Fishta”, tha për Gazetën Sinjali se në bllokun “Hyzri Aliu” tash e tri ditë nuk punon një linjë e rrymës.
Ndonëse e kanë lajmëruar KEDS-in, ai pretendon se nuk kanë ardhur.
Në anën tjetër, KEDS në vazhdimësi po kërkon nga qytetarët që të largojnë nga priza të gjitha pajisjet elektronike, në momentin kur nuk ka furnizim me energji elektrike, në mënyrë që kur të rikthehet furnizimi të mos krijohet mbingarkesë.
“KEDS është duke bërë përpjekje maksimale në terren, mirëpo nevojitet bashkëpunimi i ngushtë i konsumatorëve përmes kursimit të energjisë, shfrytëzimit racional të saj dhe rikthimit gradual të pajisjeve shtëpiake në funksion pas rikthimit të energjisë, në mënyrë që të mundësohet funksionimi i mirëfilltë i sistemit elektro-energjetik.”/Botapress/