Politologu i njohur, Avdi Smajlaj është habitur – ashtu si një pjesë e madhe e popullit – me praninë e ministrit të Shëndetësisë, z.Rifat Latifi, në takimet e kryeministrit në ShBA.
“Domëthënien e huqjes së prioriteteve mund të shpjegojnë më së miri studiuesit e psikologjisë, si konceptualizohet kjo huqje”, shkruan Smajlaj.
Shkrimi i plotë:
- Ministër i shëndetësisë,
Organizimi e aktivitetet e shoqatave bëjnë pjesë te funksionet socializuese e rekreative të organizimeve shoqërore.
Në hierarkinë e prioriteteve që ka njeriu, ose në këtë rast një ministër, aktivitetet rekreative vijnë pas përmbushjes së obligimeve kushtetuese, ligjore, politike, të cilat ju si ministër i keni marrur me vullnetin e juaj.
Domëthënien e huqjes së prioriteteve mund të shpjegojnë më së miri studiuesit e psikologjisë, si konceptualizohet kjo huqje.
Nga e përditshmja jonë lirisht mund të konkludojmë se shëndetësia vazhdon vallen e kaosit që nga paslufta.
Që do të thotë se ju si ministër gjeni kohë edhe për rekreacion, pa i përmbushur fare obligimet që keni.