Një 38-vjeçar shqiptar, punëtor ndërtimi ka rënë nga një lartësi teksa punonte në kantierin e ndërtimit në Livorno, në zonën Porta a Mare.
Punëtorët e tjerë të firmës i kanë ardhur menjëherë në ndihmë shqiptarit të cilin e kanë dërguar me urgjencë në spital.
Sipas mediave italiane, punëtori shqiptar ndodhet në gjendje të rëndë për jetën.
Policia ka mbërritur në vendin e ngjarjes dhe ka nisur hetimet ndaj administratorit të kompanisë pasi dyshohet se ka neglizhuar kushtet e sigurisë në punë./Botapress.info/
