Kryeqyteti sonte i është bashkuar thirrjes globale për solidarizim karshi fëmijëve me kancer. Kryetari i Prishtinës, Shpend Ahmeti ka shkruar se secila dritë e ndezur në Bibliotekën Kombëtare sonte, le të jetë dritë e shpresës për këta fëmijë.
Postimi i plotë:
Çdo vit qindra e mijëra fëmijë në mbarë botën diagnostikohen me sëmundjen e kancerit. Fëmijët e Kosovës nuk përjashtohen nga të prekurit.
Muaji shtator është muaji i ndërgjegjësimit mbi kancerin tek fëmijët.
Prishtina sot i bashkohet thirrjes globale për solidarizim me të gjithë fëmijët viktima të kësaj sëmundje dhe ata që po luftojnë për jetën.
Secila dritë e ndezur në Bibliotekën Kombëtare sonte, le të jetë dritë e shpresës për këta fëmijë.
#prishtina🧡
