Policia e Kosovës ka bërë të ditur se rasti ku ka ndërruar jetë futbollisti i Trepçës ’89, Erion Kajtazi, po hetohet.
Në raportin 24 orësh të Policisë thuhet se Erioni ishte dërguar pa shenja jete në Spitalin e Prizrenit.
Në lidhje me rastin është konsultuar prokurori i shtetit me urdhër të së cilit trupi i pajetë i është dorëzuar familjarëve për ceremoni
“HETIM I VDEKJES/Korish 03.12.2022 – 13:45. Është raportuar se pas përkeqësimit të gjendjes shëndetësore, një person është dërguar në emergjencën e spitalit të Prizrenit, ku nga mjeku përgjegjës është konstatuar se trupi i viktimës mashkull kosovar është pa shenja jete. Në lidhje me rastin është konsultuar prokurori i shtetit me urdhër të së cilit trupi i pajetë i është dorëzuar familjarëve për ceremoni”, thuhet në raportin e PK-së.
Policia ka njoftuar më tej se rasti vazhdon të hetohet./Botapress.info/
